Рақамли технологиялар генетик салоҳиятни юзага чиқарувчи замонавий қулай имкониятнинг сирли тилсимидир

Табиатда қимирлаган жон борки, унинг ризқ-рўзи йўли мавжуд. Уни босиб ўтиш истаги дуч келадиган тўсиқлардан чўчимасликдан сабоқ беради. Асалари зарра бол учун ер шарини айланиб юрган бўлса, қушлар бир дон таъмасида дарахтдан-дарахтга чурқиллаб учиб ўтишади, сувда сузувчи жониворлар уммонлар тубига шўнғишади, ҳайвоноту наботот бир-бирининг изидан тириклик қўшиғини куйлайди.

Тараққиётга эришиш учун рақамли билимлар ва замонавий ахбо­рот технологияларини эгаллашимиз зарур ва шарт. Бу бизга юкса­лишнинг энг қисқа йўлидан бориш имкониятини беради. Зеро, бугун дунёда барча соҳаларга ахборот технологиялари чуқур кириб бор­моқда. Албатта, рақамли иқтисодиётни шакллантириш керакли инфратузилма, кўп маблағ ва меҳнат ресурсларини талаб этиши­ни жуда яхши биламиз. Бироқ, қанчалик қийин бўлмасин, бу ишга бу­гун киришмасак, қачон киришамиз?! Эртага жуда кеч бўлади.

Шавкат МИРЗИЁЕВ,

Ўзбекистон Республикаси Президенти

Ҳар бир яралган Ярат­ганнинг ҳифзу ҳимоясида. Коинот гултожи Инсон ҳам бундан мустасно эмас. Эсингиздами, бор­лиғу оламнинг энг суюкли хилқати учун яратилган неъматлар талон-тарож бўлмаслиги учун хазина-ю дафиналар қопқаларининг сирли тилсимлар билан тилсимлаб қўйилгани? Ёдингиздами, кўкка шаъшша отган бепоён уммон қошидан ҳар ким ўз иди­шига яраша сув ола билга­ни? Бунда улуғвор ҳикмат мавжуд.

Тилсимланган хазина-ю дафиналар азал-абад юксак тафаккур соҳиб­ларигагина қопқалари­ни очади. Бир замонлар ибтидоий одам қўлидаги чўқмор тош илғор меҳнат қуроли сифатида ризқ йўлини очганини инкор этиб бўлмайди. Кетмону паншаха эса унинг қўлини анча узайтиргани ҳам чин ҳақиқат. Трактор, машина, техника-технологиялар. Инсон тафаккури маҳсули бўлган кашфиётлар замон­лар ўтгани сайин унинг оғирини енгил қилиб, ахийри қўл етмас жой­ларга ақл-заковат билан етиб бора олди. Мана, энди ўша чўқмор тошни кашф этган меҳнаткаш зот одимни катта олиб, юксак коинот пучмоқларигача етиб борди. Буларнинг барча-барчаси замонлар силсиласида тилсимланган тилсимларнинг бирин-ке­тин очилиши, варақма-ва­рақ варақланишидир.

Эндиликда-чи?

Яна қандай тилсим­ларни инсон ечишга бел боғлар экан? Унинг қар­шисида ўз тириклигини таъминлаш учун қандай вазифалар турибди? Бу саволларга дадил жавоб бера оладиган мўъжи­занинг номи рақамли технология деб аталади. Бугунги кунда у юрти­миз ижтимоий ҳаётининг барча соҳаларига кириб бориб, тафаккур кучи билан ер юзини қамраб олмоқда. Президент Шавкат Мирзиёевнинг “Ҳозирги замонда хизматларнинг катта қисми ахборот технологиялари орқали кўрсатилаяпти. Бошқа соҳаларнинг ҳам самара­дорлиги шунга боғлиқ”, деган сўзлари хазина-ю дафиналар тилсимлари­нинг калитларини қандай топиш лозимлигига ишора қилаётгандек туюлади. Кейинги йилларда мамла­катимизда бу борада жид­дий ишлар амалга ошири­ла бошланди. Давлатимиз раҳбарининг Дастурий маҳсулотлар ва ахборот технологиялари техно­логик парки замонавий мажмуа қурилишига 2019 йил 20 ноябрда тамал тоши қўйгани, етук мута­хассислар тайёрланиши учун соҳада замонавий шароитлар яратилаётгани ҳам шулар жумласига ки­ради. Таъбир жоиз бўлса, айтиш мумкинки, Янги Ўзбекистонда янги давр бошланди. Бу – рақамли технологиялар давридир. Ақл-тафаккур, интеллек­туал салоҳият, дунёнинг илғор қисми билан интеграциялашувга киришув, ўзлигини англаш, буюк аждодларидан томирла­рида оқиб келаётган ге­нетик салоҳиятни Учинчи Ренессанс тўлқинлари аро рўёбга чиқариш эзгу ния­ти бу давр талаблари би­лан чамбарчас боғланиб кетади. Шу тариқа давр қалби депсинишларини ҳис этиш, айниқса, ёшлар зиммасига тушаётгани келажакка умидворликни оширади. Ҳаёт учун кураш майдонларида инсоний бахт-саодат топиш умиди куртакларини яшнатиб, япроқ ёздиради.

Сўнгги йилларда ер юзида, жумладан, республикмизда ҳам аҳоли сони кескин даражада ўсиб бориши табиат ресурсла­ридан оқилоналик билан фойдаланиши билан бир қаторда меҳнат бозорида интеллектуал салоҳият, ақл-тафаккур маҳсулот­ларини тобора ошириб боришни тақозо этмоқда. Бу ўринда компьютер ва телекоммуникация тех­нологиялари, дастурий таъминот маҳсулотларини ишлаб чиқариш, улар асо­сида кенг турдаги интер­фаол хизматлар кўрсатиш­ни ўзида мужжассам этган ахборот-коммуникация технологиялари соҳаси­нинг аҳамияти беқиёс. Шу тариқа халқ фаровонли­ги йўлидаги иқтисодий ислоҳотларнинг самара­дорлиги оша бориб, юрт ободлиги таъминланади. Бу эзгу юмушни амалга оширишда рақамли тех­нологиялар секин-аста ўз зиммасига катта юкни олаётганини пайқамас­лик ва эътироф этмаслик замондан ортда қолишдан ўзга нарса эмас. Дунё­нинг илғор мамлакатлари билан ҳамқадамлик ва ҳамнафасликка интилиб келаётган юртимизда кейинги йилларда тобора ривожланиб бораётган ижтимоий-иқтисодий муносабатлар фонида ил­мий-техникавий тараққиёт жадаллашаётганини куза­тиш мумкин.

Рақамли технология­ларни ривожлантириш учун юртимизда кейин­ги йилларда давлатимиз раҳбари ташаббуси билан қулай имкониятлар яра­тиб берилганини баралла айтиш керак. Илгари ел­касидан кетмону қўлидан паншаха тушмай, пахта монокультураси ҳукми остида истеъдоду қоби­лиятини қора жисмоний меҳнат залвори босган халқимизнинг генетек салоҳияти энг илғор соҳаларни ривожланти­риш учун яратилаётган имкониятлар туфайли тикланаётганини кузатиш мароқли. Ақл-тафаккур, салоҳият, билим халқ қаддини тикламоқда. Энди кетмонга ҳорғин суянганча олис уфқларга боқиб хаёл суриш замони ўтиб кетди. Дунё иқти­содий тараққиётининг энг юқори босқичи бўл­ган рақамлаштиришда у ўзини намоён этмоқда. Бу илҳомлантирувчи имкони­ят турли фанлар асосини яратган буюк аждодла­римиз руҳини шод этган ҳолда, уларнинг издошла­рини тарбиялашга халқи­мизни илҳомлантиради. Томирларда қон билан бирга оққан генетик са­лоҳиятни замонавий им­кониятлар юзага чиқариб, келажак фанларини яра­тади. Ота-боболари маҳ­сулот яратиш мақсадида оддий меҳнат қуроллари­дан фойдаланишган бўлса, эндиликда ўзбек ёшлари, навқирон ақл соҳиблари бу йўлда автоматлашти­рилган тизимлардан янада юқори, рақамлаштириш босқичига ўтиб бора­ётгани, айниқса, қуво­нарлидир. Шу маънода, елкасидан ҳамон кетмони тушмаган оддий деҳқон компьютер қаршисида ўтирган неварасига ўзга сайёрадан келган меҳмон­дек назар ташлаб, унинг гапларини тушуниш учун таржимон қидириб қола­ётгандек кўринади.

Дунё олимлари эъти­роф этганидек, ахборот технологияларининг иқтисодиётнинг барча жабҳаларида чуқур кириб бориши замонавий иқти­содиётни аввалгилардан кескин фарқ қиладиган ҳолатга олиб чиқиши ва иқтисодиёт фанида янги даврни бошлаб бери­ши Ўзбекистоннинг янги давридаги илм-фан та­раққиётида ўзини намо­ён этмоқда. Рақамларга мурожаат қилинадиган бўлса, ўтган йил якуни­га кўра 32,2 триллион сўмлик ахборот-комму­никация технологиялари хизматлари кўрсатилиб, йилнинг мос даврига нисбатан ўсиш суръати 124,6 фоизни ташкил этди. Бу соҳанинг имкониятла­ридан хабардор бўлиш учун замонавий илмлар­ни билиш, дунё бўйлаб оқаётган бойликларнинг асосан қайси соҳаларга тегишли эканини идрок этиш зарур бўлади. Шун­дагина рақамлаштириш оламининг мураккаб ту­юлган тўсиқларидан ошиб ўтишнинг лаззатини ҳис этиш мумкин. Ўтган йили юртимизда IT-парк рези­дентлари томонидан кўр­сатилган хизматлар ҳажми 12,8 триллион сўмга, ўсиш суръати эса 2,3 баробар­га ошгани ҳам фикримиз далилидир. 539,5 милли­он АҚШ долларига тенг ахборот-коммуникация технологиялари хизматла­ри экспорти ўсиш суръати 1,55 баробарга юксалган ҳолда амалга оширилди. 2023 йилнинг январь-де­кабрь ойларида IT-парк резидентлари томонидан 344,6 миллион АҚШ дол­ларлик хизматлар (IT, BPO) экспорт қилинди. Бунда ўсиш суръати 2,4 баро­барни ташкил этди.

Мамлакатимизда рақамли технологиялар­нинг телекоммуникация инфратузилмасини ри­вожлантириш бўйича ютуқлари оз эмас. Халқа­ро интернет тармоғига уланишнинг умумий ўт­казувчанлик қобилияти 12,5 фоизга оширилиб, 3 600 Гбит/секундга етка­зилди. Қўшимча 61 минг километр оптик-толали алоқа йўналишларини қуриш орқали уларнинг умумий узунлиги 231 минг километрга етказилди.715 мингта кенг полосали Интернет портлар ўрнати­либ, жами 5,3 миллионта уй хўжаликлари, тадбир­корлик субъектлари ва ижтимоий соҳа объектла­рининг кенг полосали Ин­тернетга уланиш имконияти яратилди. Шунингдек, 6,4 мингта қўшимча таянч станциялари ўрнатилиб, уларнинг умумий сони 60,6 мингтага, аҳоли масканларида мобил алоқа ва мобил интернет қамрови даражаси 99 фоизга етка­зилди. Томчида қуёш акс этганидек, бу рақамлар йилдан-йилга ўсиб бориб, рақамли технологиялар­нинг ошиб бораётган иқтисодий кўрсаткичлари билан бир қаторда халқи­мизга замонавий хизмат кўрсатиш имкониятлари­нинг тобора қамров касб этаётганини ҳам намоён этади. Доно халқимиз, “қирқ йилда эл янгилана­ди”, дейди. Ҳақиқатан ҳам, гарчи ота болани тушун­май ундан хафа бўлгандек кўринса-да, бобо набира­сининг қўлидан қўйвор­гиси келмаса-да, ҳаёт ўз айтганини қилади. До­нишманд аждодларимиз таъкидлаганидек, қирқ йилда у янги гап айтиши лозим бўлади. Рақамли технологиялар туфайли амалга оширалаётган ишларнинг кенг кўламини бирин-кетин сиртдан шун­чаки санагандек санаб, “э, ҳа, шунақамикан?” деб қўйишдан нарига ўтол­маслик ғирт ғофиллик­дир. Нега деганда, узоққа бормай, ақалли чорак аср бурун бу ишларни ҳатто тасаввур этиш мумкинми­ди? Қолаверса, рақамли технологиялар ўз имкони­ятларини тақдим этаётган жабҳалар шунинг ўзи би­лан кифояланиб қолгани йўқ. Умуман олганда, унга “кифоя” тушунчаси ёт деса тўғрироқ бўлади.

Ўтган йилнинг октябрь ойида электрон ҳуку­матни ривожлантириш йўналишида Ягона ин­терфаол давлат хизмат­лари портали ва унинг мобил иловасининг янги талқини ишга туширилган эди. Йил якунига келиб, бундай хизматлар кўрса­тиш бир ярим баробар­га ошиб, 573 тага, унинг мобил иловасида ўсиши 166 фоизни ташкил этиб, 267 тага етказилди. Бу Ўзбекистон Республикаси Президентининг 2020 йил 5 октябрдаги “Рақамли Ўзбекистон – 2030” стра­тегиясини тасдиқлаш ва уни самарали амалга ошириш чора-тадбирла­ри тўғрисида”ги Фармо­нида белгилаб берилган мамлакатимиз ижтимоий- сиёсий, маданий-маъри­фий, иқтисодий ҳаётида рақамли иқтисодиётни фаол ривожоантириш, электрон ҳукумат тизи­мини такомиллаштириш, дастурий маҳсулотлар ва ахборот технологиялари­нинг маҳаллий бозорини янада ривожлантириш, республиканинг барча ҳудудларида IT-парклар­ни ташкил этиш, соҳани малакали кадрлар билан таъминлашни кўзда тутув­чи юзлаб устувор лойиҳаларни амалга ошириш вазифаларининг ҳаётга изчил тадбиқ этиб бори­лаётганининг яққол дали­лидир.

МАЪЛУМОТ ЎРНИДА:

Топ-3 та электрон хиз­мат:
1. Доимий яшаш жойи 2,2 миллиондан ортиқ
2. Солиқ қарзи мавжуд эмаслиги тўғрисида 1,4 миллиондан ортиқ
3. Ҳисобланган иш ҳақи тўғрисида маълумот олиш 1,5 миллиондан ортиқ.

Яна рақамларга муро­жаат қиладиган бўлсак, ягона портал хизматла­ри “Payme”, “Zoomrad”, “Uzum”, Халқ банки, Ўзса­ноатқурилишбанк мобил иловалари каби яна 13 та иловалар жорий қилиниб, фойдаланувчилар сони икки ярим баробар, яъни 8 миллион нафарга етди. “Рақамли ҳукумат” тизими идоралараро интеграция­лашув платформаси орқа­ли вазирлик ва идоралар ўртасидаги маълумотлар алмашинуви 2 миллиардга (ўсиш 130 фоиз) сервислар сони 165 тага (ўсиш 138 фоиз) етказилди. Давлат хизматлари кўрсатилган­лик учун тўланган давлат божлари ва йиғимлар ҳисобини юритувчи Ягона биллинг тизимига 70 га яқин ташкилотларнинг 500 та хизмати уланиб, тўлов ҳужжатларини шакллан­тириш ва уларнинг шаф­фофлигини ошириш имко­нияти яратилди.

Ягона идоралараро ижро интизоми “ijro.gov. uz” тизимининг фойда­ланувчилари икки ба­робардан кўпроқ ошиб, 100 минг нафардан ошди. Тошкент вилоятида Электрон ҳукуматнинг маълу­мотларни қайта ишлаш маркази (300 та стойка) фаолияти йўлга қўйилди ҳамда 18 та ташкилотнинг 40 га яқин ахборот тизими жойлаштирилди. Ҳукумат портали www.gov.uz янги версияси 2023 йил январь ойида ишга туширилиб, унинг негизида 10 дан ортиқ давлат органининг расмий веб-сайти жой­лаштирилди.

Рақамли индустрия ҳажмини кенгайтириш йўналишида эса IT-парк резиденти сифатида рўйхатдан ўтган корхо­налар сони ҳисобот дав­рида 1626 тага етказилди. Шундан 411 таси IT-парк резиденти бўлган хори­жий IT компаниялар, яъни хорижий капитал иштиро­кидаги корхонлар ҳисобланади.

МАЪЛУМОТ ЎРНИДА:

Экспортёр резидент­лар сони 165 тадан 550 тага, хорижий капи­тал иштирокидаги резидентлар сони 156 тадан 410 тага ошган.

IT-парк резидентлари томонидан иш билан таъ­минланганлар сони 24,3 минг нафарга етказилди, жумладан, жорий йилнинг ўзида 6,3 минг нафар аҳо­ли иш билан таъминланди. IT-Парк резидентлари то­монидан амалга ошириш­га рухсат этилган фаолият турлари кенгайтирилиб, АйТида инглиз тилини ўқитиш йўлга қўйилди.

МАЪЛУМОТ ЎРНИДА:

Жорий йилда IT-паркнинг резиденти бўлган хусусий ўқув марказлари сони 52 тага кўпайиб, уларнинг умумий сони 305 тага етди.

Ўзбекистон Республи­каси Президентининг соврини учун “Рақамли технологиялар йўнали­шида энг яхши стартап” (President Tech Award) танлови ўтказилиб, ғолиб­лари тақдирланди. “Бугун Ўзбекистон барча соҳа­ларда ўзини намоён эт­моқда, — давлатимиз раҳ­барининг бу сўзлари соҳа ходимлари қатори танлов иштирокчиларининг ҳам дастуриламалига айлан­ди. — Ўз вақтида ахборот технологияларига эъти­бор қаратганимиз яхши натижалар бермоқда. Битта дастурий маҳсулот давлатимизга қанча наф келтиради, коррупция, бюрократияни бартараф этади, одамларга қулайлик яратади. Ҳар доим ёдда тутингларки, сизларнинг ишингиз жудаям муҳим”.

Ҳа, ўз ишининг халқ манфаати учун муҳимли­гини англаган ҳолда ин­тилганларга омад ҳамиша ёр бўлади.

МАЪЛУМОТ ЎРНИДА:

Ушбу танлов доира­сида республика бўйлаб 4000 дан ортиқ ариза­лар келиб тушди. 650 дан ортиқ иштирокчи­лар рўйхатдан ўтди. 16 та жамоанинг лойиҳа­лари танлаб олиниб, тақдирланди.

Юридик шахсларга хорижий ижтимоий тар­моқларда реклама бериш харажатлари бўйича тўлов­ларни чет эл валютасидаги корпоратив банк картала­ри орқали календарь ойи­да 5 000 АҚШ долларидан ошмаган миқдорда амалга оширишга рухсат берилди. Рақамли таълимни риво­жлантириш йўналишида амалга оширилаётган ишлар ҳам ибратлидир. Мисол тариқасида айтади­ган бўлсак, Бухоро вилояти Қоракўл туманида Ҳиндистон Республикаси билан ҳамкорликда IT-йўнали­шига ихтисослаштирилган Ачаря университети фаолияти йўлга қўйилди. Хоразм вилоятида эса 7-11- синф ўқувчиларини Ай-Ти соҳасида касбга тайёрлаш мақсадида “Муҳаммад ал-Хоразмий ворислари” лойиҳаси доирасида 13 та рақамли технологиялар ўқув марказлари ва 31 та умумтаълим мактаблари­да махсус ўқув гуруҳлари ташкил этилиб, ҳозирги кунда 1 000 нафар ёшлар халқаро IT меҳнат бозори­га тайёрланмоқда. Собиқ Тошкент молия институти ва Муҳаммад ал-Хоразмий номидаги Тошкент ахборот технологиялари универ­ситети талабалари учун универсал банк картасини яратиш учун “Талаба кар­таси” пилот лойиҳаси ишга туширилиб, 50 мингга яқин талабага ”Талаба картаси” тарқатилди. Иқтисодиёт­нинг турли соҳаларида рақамлаштиришда фаол иштирок этадиган иқти­дорли ёшларни тайёрлаш мақсадида 60 нафар ёшлар сараланиб, “Мирзо Улуғбек ворислари” тайёрлов ўқув курслари йўлга қўйилди. Бу ёшлар хазина-ю дафи­наларни саҳролару тоғлар бағридан, дарёлар остидан эмас, ўтирган жойидан дунёга олиб чиқадиган рақамли индустуриянинг юксак ақл-идрокка, тафак­курга йўғрилган номаълум манзилларидан излаб то­пишади. Шу тариқа ўзла­ри фойда олиб, жамиятга манфаат келтиришади. Бу жараёнда ғирромликка ўрин йўқ. Ҳаммаси очиқ майдонларда ҳалол ўйна­лади.

Шуни алоҳида қайд этиш лозимки, аҳоли, ёшлар ва давлат хиз­матчиларининг рақамли кўникмаларини ошириш мақсадида республика бўйича 205 та рақамли технология ўқув марказ­ларида 400 га яқин янги иш ўринлари яратилиб, уларда 208 минг нафар тингловчилар самарали тарзда таҳсил олмоқда. 2023 йилда 47 минг на­фардан ортиқ тингловчи курсларни муваффақиятли тамомлаганлардан 13 минг нафардан зиёди давлат хизматчиларидир. Шу тариқа халқаро IT-сер­тификатларни олиш учун 50 фоизгача харажатларни қоплаш тизими жорий этилиб, 1,4 мингга яқин ёшларга жами 2 миллиард сўм миқдордаги хара­жатлар қоплаб берилди. “Бир миллион дастурчи” лойиҳасининг мантиқий кейинги босқичини амал­га ошириш мақсадида ёшлар учун uzbekcoders платформаси орқали “Coursera” онлайн курсла­рида таълим олиш имко­нияти яратилди.

МАЪЛУМОТ ЎРНИДА:

215 минг нафарга яқин ёшлар бу курсларда ўқиб, битирувчи серти­фикатларни қўлга кири­
тишган. Бундан ташқа­ри, 1200 нафардан ортиқ ёшлар платформанинг профессионал курсларида таълим олишди.

Эндиликда қора меҳнат-мардикорчиликни эътиборга олмаганда, пул топиш учун четга чиқиш­нинг ҳожати йўқлигини рақамли технологиялар исботлаб берди. Соҳа айни дамда ўн мингдан ортиқ инглиз ва бошқа тилларни пухта билади­ган салоҳиятли ёшларга муҳтож. “Биз маҳалла­ларга чиқиб қидириб ҳам кўрамиз, – дейишади соҳа ходимлари. – Афсуски, фейсбук, телеграмм, ютуб сингари ижтимоий тар­моқлар қаърига шўнғиган эрмакталаблар орасидан бизнинг талабга жавоб берадиган ёшларни топа олмаганимиздан афсусла­ниб қолган ҳолларимиз ҳам бўлади”.

Бу жиддий гап. Энди яратилган имкониятлар­га мослаша олмаслик­нинг иддаосини ҳеч ким кўтармайди. Энди беҳуда тадбирлару олди-қочди давраларга вақт сарфлаш рақамли технологиялар бошлаб берган янги даврда кўпикчалик аҳамиятга эга бўлмай қолади. Ақл, тафаккур, англамоқ ва тушунмоқдир унинг шиори. “Иқтисодиётимиз барқарорлиги, ҳар бир соҳанинг сифати ва сама­радорлиги, аҳолига қулай­ликлар яратиш ахборот технологиялари билан боғлиқ, – дейди Прези­дент ШавкатМризиёев. – Шунинг учун бу соҳага янада кенг имконият, за­рур инфратузилма яра­тиш, мутахассисларни ҳар томонлама рағбатланти­риш, қобилиятли ёшларни тарбиялаш керак”.

Республика ва маҳал­лий ижро этувчи ҳокимият органларининг АКТни ри­вожлантириш учун масъул ходимларининг рейтинг баҳолаш тизими асосида уч йилда бир маротаба мажбурий малака ошириш тартиби жорий этилгани соҳада талабчанликнинг юқори даражада йўлга қўйилганидан далолат беради. Юртимизда қабул қилинган “Рақамли Ўз­бекистон – 2030” страте­гиясида ҳудудлар ва тар­моқларни рақамлаштириш назарда тутилган. Юқори­да келтирилган рақамлар таҳлили эса соҳага давлат эътиборининг бежиз эмас­лигини кўрсатади. Рақамли иқтисодиёт ва электрон ҳукуматни ривожланти­риш орқали истиқболли вазифалар белгилаб оли­нади. БМТнинг Барқарор ривожланиш мақсадлари ва Электрон ҳукуматни ривожлантириш рейтин­гида белгиланган усту­вор вазифалардан келиб чиқиб, рақамли техноло­гияларни янада кенг жо­рий этиш учун асос бўлиб хизмат қилади. Рақамли ривожланиш, рақамли инфратузилма, электрон ҳукумат, рақамли иқтисо­диёт, рақамли технологиялар сингари тушунчалар энди кундалик ҳаётнинг турли қатламларига тобо­ра чуқурроқ кириб бора­веради. Бу жараёнда ҳаёт уммонида сузиб бораётган умр кемасининг қандай юксак манзилларни кўз­лагани аёнлашади. Акс ҳолда… дуч келган орол­да кемадан тушиб қолиш кимга ҳам ёқарди?

Аҳоли, ёшлар ва давлат хизматчиларининг рақамли кўникмаларини ошириш мақсадида республика бўйича 205 та рақамли техноло­гиялар ўқув марказларида 400 га яқин янги иш ўрни яратилиб, уларда жами 208 минг нафар тингловчилар самарали тарзда таҳ­сил олмоқда. 2023 йилда 47 минг нафардан ортиқ тингловчи курсларни муваффақиятли тамомлаганлардан 13 минг нафардан зиёди давлат хизматчиларидир. Шу тариқа халқаро IT-сертификатларни олиш учун 50 фоизгача харажатларни қоплаш тизими жорий этилиб, 1,4 мингга яқин ёшларга жами 2 миллиард сўм миқдордаги харажатлар қоплаб берилди.